Local

කථානායකවරයාට එරෙහිව අල්ලස් කොමිසමට ගිය පැමිණිල්ල

Saturday, 05 July 2025 - 5:12 pm

වත්මන් කථානායකවරයා සම්බන්ධයෙන් නව ජනතා පෙරමුණ අල්ලස් හෝ දූෂණ චෝදනා විමර්ෂණ කොමිෂන් සභාවට පැමිණිල්ලක් ඉදිරිපත් කළා.

ඒ ඔහු ජනතා බදු මුදල් අවභාවිත කරමින් අමතර නිල රථයක් සහ නිල නිවාසයක් භාවිත කරන අතර ඒවා සිය පෞද්ගලික ලේකම්වරයාටද භුක්ති විදීමට අවස්ථාව සලසා දෙන බවට චෝදනා කරමින්.

කෙසේවෙතත් මේ සම්බන්ධයෙන් කරුණු විමසීම සඳහා කථානායකවරයා සම්බන්ධ කරගැනීමට උත්සහ කළද ඔහු මේ වනවිට විදෙස්ගතව පසුවන බවයි වාර්තා වුණේ.

මේ සම්බන්ධයෙන් කථානායකවරයාගේ මාධ්‍ය එකකය සඳහන් කළේ අදාළ චෝදනා පදනම් විරහිත බවයි.

එමෙන්ම ඉදිරියේදී මේ සම්බන්ධයෙන් නිල මාධ්‍ය නිවේදනයක් නිකුත්කරන බවද ඔවුන් සඳහන් කළා.