අභාවප්‍රාප්ත පාලිත තෙවරප්පෙරුමගේ පශ්චාත් මරණ පරීක්ෂණය අවසන්
Wednesday, 17 April 2024 - 4:25 pm
අභාවප්‍රාප්ත හිටපු රාජ්‍ය අමාත්‍ය සහ පාර්ලිමේන්තු මන්ත්‍රී පාලිත තෙවරප්පෙරුමගේ දේහය පිළිබඳ පශ්චාත් මරණ පරීක්ෂණය අද(17) පෙරවරුවේ සිදු කෙරුණි.
අවසන් කටයුතු පිළිබඳ පසුව දැනුම් දෙන බව පවුලේ ඥාතින් පවසයි.
එක්සත් ජාතික පක්ෂයේ හිටපු පාර්ලිමේන්තු මන්ත්‍රීවරයෙකු, හිටපු නියෝජ්‍ය අමාත්‍යවරයෙකු වූ පාලිත තෙවරප්පෙරුම(16) අභාවප්‍රාප්ත විය.
මියයන විට 64 වැනි වියෙහි පසුවු තෙවරප්පෙරුමගේ මරණයට හේතුව විදුලි සැර වැදීමක් බව ඥාතින් සඳහන් කළේය.
ඔහු දෙදරු පියෙකි. මීට වසර කිහිපයකට ඉහතදී ඔහුගේ වැඩිමහල් පුතු මියගියේය.
1960 වසරේදී උපත ලැබූ පාලිත කුමාර තෙවරප්පෙරුම ශ්‍රී ලාංකේය දේශපාලනයේ කතාබහට ලක්වුණු පෙරළිකාර චරිතයකි.
2002 වසරේදී මතුගම ප්‍රාදේශීය සභාවේ සභාපතිවරයා වූ පාලිත තෙවරප්පෙරුම බස්නාහිර පළාත් සභාවේ සභිකයෙකු ලෙසද කටයුතු කළේය.
2010 වසරේ සිට 2020 වසර දක්වා කළුතර දිස්ත්‍රික්කය නියෝජනය කරමින් පාර්ලිමේන්තු මන්ත්‍රීවරයෙකු ලෙස කටයුතු කළ ඔහු ස්වදේශ කටයුතු, වයඹ සංවර්ධන සහ සංස්කෘතික කටයුතු නියෝජ්‍ය අමාත්‍යවරයා ලෙසත් වනජීවි නියෝජ්‍ය අමාත්‍යවරයා ලෙසත් ක්‍රියා කරන ලදි.
පාලිත තෙවරප්පෙරුම සිය සුසානය ජීවතුන් අතර සිටියදීම නිර්මාණය කර තිබීමත් රට තුළ කතාබහට ලක්වුණු තවත් මාතෘකාවකි.
.webp)
