ජනපති අපේක්ෂකයන්ගේ විවාදයට ප්‍රශ්න එවීම අදින් අවසන්
Monday, 02 September 2024 - 9:08 am
මාර්තු 12 ව්‍යාපාරය විසින් සංවිධානය කරනු ලබන 2024 ජනාධිපතිවරණ අපේක්ෂකයන්ගේ විවාදය සඳහා මහජනතාවට ප්‍රශ්න යොමු කළ හැකි කාලය අදින් (2දා) අවසන් වේ.
මෙම විවාදය අදියර තුනක් වශයෙන් පැවැත්වීමට නියමිත අතර, එහි පළමු අදියර එළැඹෙන 07 වැනිදා පැවැත්වෙනු ඇත. දෙවන අදියර 8 වැනිදා ද තෙවන අදියර 09 වැනිදා ද පැවැත්වීමට නියමිත අතර ජනාධිපති ධුර අපේක්ෂකයන් බොහෝදෙනකු මීට සහභාගිවීමට නියමිතය.
එම විවාදයේදී ජනාධිපති අපේකෂකයන්ට ප්‍රශ්න යොමු කිරීමට මහජනතාවට ද අවස්ථාව ලබාදී ඇති අතර එලෙස යොමු කරන ප්‍රශ්න බාරගැනීම අද දිනයෙන් අවසන් කිරීමට මාර්තු 12 ව්‍යාපාරයේ මෙහෙයුම් කමිටුව තීරණය කර ඇත.
පහත දැක්වෙන සබැඳිය ඔස්සේ එම ප්‍රශ්න යොමු කිරීමට මහජනතාවට අවස්ථාව හිමිව ඇති අතර මාර්තු 12 ව්‍යාපාරයේ ෆේස්බුක් පිටුවට පණිවිඩයක් එවීම මගින් ද ප්‍රශ්න යොමු කළ හැක.
ගූගල් පෝරමය: https://bit.ly/presidentialDebate 2024,
ෆේස්බුක් පිටුව: https://www.facebook.com/march12movement
