நாட்டின் பெரும்பாலான பகுதிகளில் மாலை அல்லது இரவில் மழை - 3 மாகாணங்கள், 4 மாவட்டங்களில் பல முறை மழை
Wednesday, 07 August 2024 - 9:14 pm
– சில இடங்களில் 50 மி.மீ. வரை பலத்த மழை
இன்றையதினம் (07) இலங்கையின் மேல், சப்ரகமுவ, வடமேல்மாகாணங்களிலும் கண்டி, நுவரெலியா, காலி, மாத்தறை மாவட்டங்களிலும் பல தடவைகள் மழை பெய்யும் வாய்ப்புக் காணப்படுவதாக, வளிமண்டலவியல் திணைக்களம் எதிர்வுகூறியுள்ளது.
நாட்டின் ஏனைய பகுதிகளில் சில இடங்களில் மாலை அல்லது இரவில் மழை அல்லது இடியுடன் கூடிய மழை பெய்யக்கூடும் என்பதோடு, சில பகுதிகளில் 50 மி.மீ. இற்கும் அதிக ஓரளவு பலத்த மழை ஏற்பட வாய்ப்பு காணப்படுகின்றது.
இடியுடன் கூடிய மழை பெய்யும் வேளைகளில் ஏற்படக் கூடிய தற்காலிகமான பலத்த காற்று மற்றும் மின்னல் தாக்கங்களினால் ஏற்படக்கூடிய ஆபத்தை குறைப்பதற்கு தேவையான நடவடிக்கைகளை எடுக்குமாறு பொதுமக்கள் கேட்டுக் கொள்ளப்படுகிறார்கள்.
