ரணிலுடன் மேலும் பல SJB உறுப்பினர்கள் இணைவர் எஸ்.பி. திஸாநாயக்க MP தெரிவிப்பு
Tuesday, 03 September 2024 - 1:29 pm
ஐக்கிய மக்கள் சக்தி மற்றும் தேசிய மக்கள் சக்தி ஆகியவற்றின் ஆதரவாளர்கள் ஜனாதிபதி வேட்பாளர் ரணில் விக்கிரமசிங்கவுடன் ஒன்றிணைந்து வருவதாக நுவரெலியா மாவட்ட பாராளுமன்ற உறுப்பினர் எஸ்.பி. திஸாநாயக்க தெரிவித்துள்ளார்.
நுவரெலியாவில் நேற்று முன்தினம் (01) ஊடகவியலாளர்களின் கேள்விகளுக்கு பதிலளிக்கையிலேயே பாராளுமன்ற உறுப்பினர் இவ்வாறு குறிப்பிட்டார். ஸ்ரீ லங்கா பொதுஜன பெரமுனவின் சுமார் 95 வீதமான உறுப்பினர்கள் தற்போது ஜனாதிபதி வேட்பாளர் ரணில் விக்கிரமசிங்கவுடன் இணைந்து
கொண்டுள்ளனர் என்று தெரிவித்த அவர்,
எதிர்வரும் நாட்களில் ஏனைய கட்சிகளைச்சேர்ந்த பலர் ஜனாதிபதியுடன் இணைந்து கொள்ளவுள்ளதாகவும் குறிப்பிட்டார். ரணில் விக்ரமசிங்கவின் தேர்தல் பிரசார நடவடிக்கைகள் வெற்றிகரமாக முன்னெடுக்கப்பட்டுவருவதாகவும் நுவரெலியா மாவட்ட பாராளுமன்ற உறுப்பினர் எஸ்.பி.திஸாநாயக்க மேலும் கூறினார்.
