வழக்கமாக ஏழாவது வரிசையில் களமிறக்கப்படும் அவர் இந்தப் போட்டியில் ஐந்தாவது வரிசையிலேயே துடுப்பெடுத்தாட வந்தார். குசல் மெண்டிஸுடன் இணைந்து 6 ஆவது விக்கெட்டுக்கு 103 ஓட்டங்களை இணைப்பாட்டமாக பகிர்ந்துகொண்டார். குசல் மெண்டிஸ் 50 ஓட்டங்களைப் பெற்ற நிலையில் ஆட்டமிழந்தார்.

இதன்போது டெஸ்ட் சதத்தைப் பூர்த்தி செய்த கமிந்து மெண்டிஸ் தனது முதல் ஏழு டெஸ்ட் போட்டிகளிலும் அரைச் சதத்திற்கு மேல் ஓட்டங்கள் பெற்று உலக டெஸ்ட் சாதனையை சமன் செய்தார்.

அதேபோன்று அவர் 11 இன்னிஸ்களுக்குள் நான்கு சதங்களைப் பெற்று வேகமாக நான்கு சதங்களை பெற்ற இலங்கை வீரர் என்ற ஜென்பரி வென்டர்சேவை பின்தள்ளியதோடு இது கிரிக்கெட் ஜாம்பவான் டொன் பிரட்மனின் சாதனையை சமன் செய்வதாகவும் இருந்தது.
இதில் பாகிஸ்தானின் சவூத் ஷகீலுக்கு அடுத்து தனது முதல் ஏழு டெஸ்ட் போட்டிகளிலும் 50க்கும் மேல் ஒட்டங்கள் பெற்ற முதல் வீரராகவே கமிந்து சாதனை படைத்தார்.

இதில் அவர் தனது முதல் ஆறு டெஸ்ட்களிலும் 50க்கும் மேல் ஓட்டங்கள் பெற்ற சுனில் கவாஸ்கர், சயீட் அன்வர் மற்றும் பசில் புட்சர் ஆகியோரை பின்தள்ளினார்.

நேற்று முதல் நாள் ஆட்டத்தின் கடைசி நேரத்தில் தனது விக்கெட்டை பறிகொடுத்த கமிந்து மெண்டிஸ் 173 பந்துகளில் 11 பௌண்டரிகளுடன் 114 ஓட்டங்களைப் பெற்றார்.

ஆட்டநேர முடிவில் இலங்கை அணி 88 ஓவர்களுக்கு 7 விக்கெட்டுகளை இழந்து 302 ஓட்டங்களைப் பெற்றுள்ளது.

ரமேஷ் மெண்டிஸ் 14 ஓட்டங்களுடனும் பிரபாத் ஜயசூரிய ஓட்டம் இன்றியும் களத்தில் உள்ளனர்.

நியூசிலாந்து அணி சார்பில் வில்லியம் ஓருக் 3 விக்கெட்டுகளையும் கிளென் பிலிப்ஸ் 2 விக்கெட்டுகளையும் வீழ்த்தினர். இன்று (19) போட்டியின் இரண்டாவது நாளாகும்.