அலைபேசிகளை மோசடியான முறையில் நாட்டுக்குள் கடத்த முயன்ற சந்தேக நபர்,ஒருவரை கைது செய்ததாக பொலிஸார் தெரிவித்தனர். புத்தளம் கரம்ப பிரதேசத்தில் உள்ள வீதித்தடையில் கடற்படை மற்றும் பொலிஸார் இணைந்து நடத்திய தேடுதலில் இந்நபர் கைதானார்.
கெப் வாகனத்திலிருந்து அலைபேசிகளை மாற்றிய போதே,இக்கைது இடம்பெற்றது. இச்சோதனையில், சட்டவிரோதமாக நாட்டுக்கு கொண்டு வரப்பட்டதாக சந்தேகிக்கப்படம் 650 அலைபேசிகள் கைப்பற்றப்பட்டன. சந்தேக நபர் 52 வயதுடைய கெக்கிராவ பகுதியைச் சேர்ந்தவர் என அடையாளம் காணப்பட்டுள்ளார். மேலதிக விசாரணைகளுக்காக நுரைச்சோலை பொலிஸாரிடம் இந்நபர் ஒப்படைக்கப்பட்டுள்ளார்.
