ஐக்கிய மக்கள் சக்தியின் வேட்பாளர் சஜித் பிரேமதாசவுக்கு ஜனாதிபதி தேர்தலில் ஆதரவளிக்கவுள்ளதாக, தமிழ் முற்போக்கு கூட்டணி அறிவித்துள்ளது.
கூட்டணியில் அங்கம் வகிக்கும் ஜனநாயக மக்கள் முன்னணி, தொழிலாளர் தேசிய சங்கம் மற்றும் மலையக மக்கள் முன்னணி ஆகியவற்றின் தலைவர்கள் மற்றும் உறுப்பினர்கள் கொழும்பில் செய்தியாளர் சந்திப்பொன்றை நடத்தினர்.
தமிழ் முற்போக்கு கூட்டணியின் தலைவர் மனோ கணேசன் தெரிவிக்கையில், அண்மையில் கூடிய கட்சியின் அரசியல் உயர்பீட கூட்டத்தின் போது, ஐக்கிய மக்கள் சக்தியின் ஜனாதிபதி வேட்பாளருக்கு ஆதரவளிக்க ஏகமனதாக தீர்மானிக்கப்பட்டதாகக் குறிப்பிட்டார்.
