ISIS அமைப்பை ஊக்குவித்த நபரை தடுத்து வைத்து விசாரிக்க உத்தரவு
Friday, 30 August 2024 - 6:27 pm
ஐ.எஸ்.ஐ.எஸ் பயங்கரவாத அமைப்பை ஊக்குவிக்கும் வகையில், சமூக வலைத்தளங்களில் அறிக்கைகளை வெளியிட்டதுடன் அந்த அமைப்பின் சின்னங்கள் அடங்கிய மோதிரங்களை வைத்திருந்ததாக கூறப்படும் நபர் ஒருவரை, தடுத்து வைத்து விசாரிக்க கொழும்பு மேலதிக நீதவான் பசான் அமரசேன உத்தரவிட்டுள்ளர். சந்தேக நபரை கைது செய்து நீதிமன்றத்தில் ஆஜர்படுத்திய பயங்கரவாத தடுப்பு மற்றும் புலனாய்வு பிரிவினர் விடுத்த கோரிக்கையை பரிசீலித்த நீதவான், இதற்காகன உத்தரவை பிறப்பித்தார்.
பொருபன பகுதியைச்சேர்ந்த சந்தேகநபரிடம் இருந்து பயங்கரவாத அமைப்பின் கொடிகள் மற்றும் சின்னங்கள் கொண்ட பல மோதிரங்கள் கைப்பற்றப்பட்டதாக விசாரணைப் பிரிவினர் நீதிமன்றத்தில் தெரிவித்தனர் .
