பாண், பேக்கரி உற்பத்திகள் 10 ரூபாவால் குறைப்பு
Monday, 29 July 2024 - 9:49 am
பாண் மற்றும் சில பேக்கரி பொருட்களின் விலையை 10.00 ரூபாவால் குறைக்க அகில இலங்கை பேக்கரி உரிமையாளர்கள் சங்கம் தீர்மானித்துள்ளது.
இதன்படி 450 கிராம் எடைகொண்ட பாண் மற்றும் ஏனைய பேக்கரி உற்பத்திகளின் விலை 10 ரூபாவினால் குறைவடையவுள்ளன.
வர்த்தகம் மற்றும் உணவுப் பாதுகாப்பு அமைச்சர் நளின் பெர்னாண்டோ இவற்றின் விலைகளை இரண்டு நாட்களுக்குள் குறைக்குமாறு விடுத்த கோரிக்கைக்கமைவாக இந்த நடவடிக்கை மேற்கொள்ளப்பட்டுள்ளதாக பேக்கரி உரிமையாளர்கள் சங்கம் தெரிவித்துள்ளது.
பேக்கரி பொருட்களின் விலை குறைப்பு தொடர்பில் கடந்த வெள்ளிக்கிழமை (19) பேக்கரி உரிமையாளர்களுடன் நடத்தப்பட்ட கலந்துரையாடலையடுத்து இந்த தீர்மானம் எடுக்கப்பட்டதாக அமைச்சர் முன்னர் தெரிவித்திருந்தார்.
பேக்கரி பொருட்களின் விலைகளை முடிந்தவரை குறைக்குமாறு அகில இலங்கை பேக்கரி உரிமையாளர்கள் சங்கத்தின் தலைவர், சங்க உறுப்பினர்களிடம் கேட்டுக்கொண்டார்.
