தோட்டத் தொழிலாளர்களுக்கு நாளாந்தம் 2,000 ரூபா சம்பளம் மூலோபாய திட்டம் என்னிடமிருக்கிறது
Wednesday, 04 September 2024 - 7:21 pm
தோட்டத் தொழிலாளர்களின் நாளாந்த குறைந்தபட்ச சம்பளத்தை 2,000 ரூபாவாக அதிகரிக்கக்கூடிய மூலோபாய வேலைத்திட்டம் தன்னிடம் இருப்பதாக சர்வஜன வேட்பாளர், தொழில் முனைவோர் திலித் ஜயவீர தெரிவித்துள்ளார். தாயக மக்கள் கட்சியின் கேகாலை மாவட்ட தொகுதி அமைப்பாளர்களுக்கான நியமனக் கடிதங்கள் நேற்று முன்தினம் (02) வழங்கப்பட்டன. கட்சியின் தலைவர் திலித் ஜயவீர தலைமையில் இந்நிகழ்வு நடைபெற்றது.
இதன்போது, பெருந்தோட்ட மக்களின் வாழ்வாதாரத்தை மேம்படுத்துவதற்காக தோட்டப்புறத்தின் பாரம்பரிய அரசியல் முகாம்கள் உடைக்கப்பட வேண்டுமென திலித் ஜயவீர குறிப்பிட்டார்.
