Local

මම Vitz ලක්ෂ 12 ට දෙනවා කියලා කිව්වලු, ඔප්පු කළොත් මම සජබෙට එනවා බැල මෙහෙවර කරන්න - නලින් හේවගේ

Sunday, 27 April 2025 - 7:16 pm

තමා ලක්ෂ 12 කට Vitz කාර් දෙන බවට යම් තැනක ප්‍රකාශ කර ඇත්නම් එය ඔප්පු කරන ලෙස සමගි ජන බලවේගයේ පාර්ලිමේන්තු මන්ත්‍රී එස්.එම් මරික්කාර්ට අභියෝග කරන බව නියෝජ්‍ය අමාත්‍ය නලීන් හේවගේ පවසනවා.

ඒ අනුව එලෙස තමා ප්‍රකාශ කර ඇති බවට ඔප්පු කළහොත් තමා ඇමතිකමෙන්, මන්ත්‍රීකමෙන් හා ජනතා විමුක්ති පෙරමුණේ දේශපාලනයෙන් ඉවත්වන බවයි ජන හමුවක් අමතමින් නියෝජ්‍ය අමාත්‍යවරයා සඳහන් කළා.

එලෙස තමා ඉවත්වී කියන ඕන බැල මෙහෙවරකමක් සිදු කිරීමට සමගි ජන බලවේගයට පැමිණෙන බවයි නියෝජ්‍ය අමාත්‍ය නලීන් හේවගේ වැඩිදුරටත් ප්‍රකාශ කළේ.