Local

ගල්ඔය ඉවුරු බිඳීයෑම නිසා කුඹුරු අක්කර 3,000 ක් ජලයෙන් යටවෙයි

Tuesday, 21 January 2025 - 10:20 pm

නෙයිනකාඩු ප්‍රදේශයේ දී ගල්ඔය ඉවුරු බිඳීයෑම නිසා එම ප්‍රදේශයේ කුඹුරු අක්කර 3,000 ක් පමණ ජලයෙන් යට වී ඇති බව නියෝජ්‍ය අමාත්‍ය වසන්ත පියතිස්ස පවසනවා.

කෙසේ වුවත්, මේ වනවිට ජලය බැස යාම නිසා එයින් කුඹුරු අක්කර 1,000ක් පමණ ආරක්ෂා වී ඇති බවයි නියෝජ්‍ය අමාත්‍යවරයා පවසා සිටියේ.

කාලගුණ තත්ත්වය අනුව, තවත් කුඹුරු අක්කර 1,000 ක් පමණ බේරා ගැනීමට හැකි වේ යැයි විශ්වාස කරන බවත්, කෙසේ වුවත් කුඹුරු අක්කර 1,000කට වැඩි ප්‍රමාණයක් හානියට ලක්වී ඇති බවයි නියෝජ්‍ය අමාත්‍ය වසන්ත පියතිස්ස වැඩිදුරටත් සඳහන් කරන්නේ.