Local

පාප් වහන්සේගේ ස්වර්ගස්ථ වීම වෙනුවෙන් කාදිනල් මැල්කම් රංජිත් හිමිපාණන් ප්‍රකාශයක් නිකුත් කරයි

Tuesday, 22 April 2025 - 8:08 pm

ශුද්ධෝත්තම ෆ්‍රැන්සිස් පාප් වහන්සේට ස්වර්ගයීය දේව ජීවිතය ප්‍රාර්ථනා කරන බව කාදිනල් මැල්කම් රංජිත් හිමිපාණන් පවසනවා.

ඒ අනුව උන්වහන්සේ වෙනුවෙන් යාඥා කරන ලෙස සියලුම කතෝලික ජනතාවගෙන් ඉල්ලා සිටින බවයි අද (22) විශේෂ ප්‍රකාශයක් සිදු කරමින් කාදිනල් හිමිපාණන් සඳහන් කළේ.

එසේම උන්වහන්සේ වෙනුවෙන් යාඥා වැඩසටහන් සිදු කරන ලෙසට සියලුම පූජා ප්‍රසාදීන් වහන්සේලාගෙන් සහ සහාවේ අනෙකුත් නායකත්වය දරන පිරිස්වලින් ඉල්ලා සිටින බවද එම හිමිපාණන් සඳහන් කළා.

මීට අමතරව, ශුද්ධෝත්තම ෆ්‍රැන්සිස් පාප් වහන්සේ ශ්‍රී ලංකාවට දැක්වූ ආදරය වෙනුවෙන් මෙත් සිත් පතා, උන්වහන්සේ වෙනුවෙන් කළ හැකි පුන්‍ය කර්මයන් වේ නම්, ඒවා සිදු කරන ලෙසට ඉල්ලා සිටින බවයි කාදිනල් මැල්කම් රංජිත් හිමිපාණන් වැඩිදුරටත් ප්‍රකාශ කර සිටියේ.