Sports

වසර 32කට පසු ඔලිම්පික් පාපන්දු රන් පදක්කම ස්පාඤ්ඤය ට

Sunday, 11 August 2024 - 12:57 pm

වසර 32කට පසු ඔලිම්පික් ක්‍රීඩා උලෙළේ පිරිමි පාපන්දු රන් පදක්කමක් දිනා ගැනීමට ස්පාඤ්ඤය සමත්වුණි.

ඒ පැරිස් ඔලිම්පික් ක්‍රීඩා උලෙළේ පිරිමි පාපන්දු තරගාවලියේ අවසන් මහා තරගයේදී සත්කාරක ප්‍රංශය ගෝල 5ට 3ක් ලෙස පරාජය කරමිනි.

පැරිස් ඔලිම්පික් ක්‍රීඩා උලෙළේ පිරිමි පාපන්දු තරගාවලියේ අවසන් මහා තරගය පැවැත්වුණේ සත්කාරක ප්‍රංශය සහ ස්පාඤ්ඤය අතර ය.

තරගය ආරම්භයේ සිටම තියුණු මුහුණුවරක් ගත් අතර පළමු අර්ධය නිමා වූයේ ගෝල 3ට 1ක් ලෙස ස්පාඤ්ඤයට පෙරමුණ හිමිකර දෙමිනි.

දෙවන අර්ධයේදී ප්‍රංශය ගෝල දෙකක් වාර්තා කළ අතර ඒ අනුව නියමිත කාලය නිමා වන විට දෙපිල ම ගෝල 3 බැගින් රැස් කර තිබුණි.

අනතුරුව ලබාදුන් අතිරේක කාලයේදී තවත් ගෝල දෙකක් රැස් කළ ස්ඤ්ඤය ගෝල 5ට 3ක් ලෙස අවසන් තරගය ජය ගනිමින් රන් පදක්කම දිනා ගැනීමට සමත්වුණි.