දරුකමට හදා වඩා ගැනීම සඳහා ගනු ලැබූ වයස අවුරුදු දෙකක දරුවෙකු කෲර වධ හිංසාවට ලක් කර මරණයට පත් කිරීමේ චෝදනාවකට වරදකරු කෙරුණු මාලිගාවත්ත ප්‍රදේශයේ පදිංචි යුවලකට කොළඹ මහාධිකරණය විසින් මරණීය දණ්ඩනය නියම කර තිබෙනවා.
ඒ අනුව 2018 වසරේ මැයි මස 11 වැනිදා හෝ ඊට ආසන්න දිනයක මාලිගාවත්ත ප්‍රදේශයේදී හදා වඩා ගැනීම සඳහා ලබාගත් අවුරුදු දෙකක පිරිමි ළමයෙකු වධ හිංසාවට ලක් කොට මරණය සිදු කිරීම සම්බන්ධයෙන් මෙම විත්තිකරුවන් දෙදෙනාට එරෙහිව නීතිපතිවරයා විසින් නඩු පවරා තිබුණා.
දීර්ඝ නඩු විභාගයකින් අනතුරුව තීන්දුව ප්‍රකාශයට පත්කළ විනිසුරු සුජීව නිශ්ශංක කියා සිටියේ, විත්තිකරුවන්ට එරෙහිව එල්ල කර තිබෙන මිනීමැරීමේ චෝදනා සාධාරණ සැකයකින් තොරව පැමිණිල්ල විසින් ඔප්පු කර තිබෙන බවයි.
ඒ අනුව මෙම දරුවා කෲර වද හිංසනයට භාජනය වී ඇති අතර, චේතනාන්විතවම ප්‍රචණ්ඩත්වයට ලක්වීම හේතුවෙන් ඔහුගේ මරණය සිදුවී ඇති බව වෛද්‍ය සාක්ෂිවලින් නිරීක්ෂණය වී තිබෙන බවත් විනිසුරුවරයා සිය තීන්දුවේ වැඩිදුරටත් සඳහන් කර තිබෙනවා.
(1).webp)
(1).webp)
