Local

ජොන්ස්ටන්ට එරෙහි සතොස නඩුව යළි විභාග කෙරේ

Wednesday, 26 March 2025 - 10:01 pm

හිටපු අමාත්‍ය ජොන්ස්ටන් ප්‍රනාන්දු ඇතුළු තිදෙනෙකුට එරෙහිව අල්ලස් කොමිසම විසින් ගොනුකර තිබෙන නඩුව කොළඹ මහාධිකරණය හමුවේ අද (26) යළි විභාගයට ගනු ලැබුවා.

එහිදී පැමිණිල්ල වෙනුවෙන් සාක්ෂි සටහන් කරගැනීම සිදුකෙරුණු අතර, ඉන් අනතුරුව මෙම නඩුව වැඩිදුර විභාගය සඳහා ජූනි 23 දක්වා කල් තැබීමට කොළඹ මහාධිකරණ විනිසුරු නවරත්න මාරසිංහ විසින් නියම කරනු ලැබුවා.

ජොන්ස්ටන් ප්‍රනාන්දු වෙළෙඳ අමාත්‍යවරයා වශයෙන් කටයුතු කළ අවධියේදී, ස.තො.ස. ආයතනයේ සේවකයින් ඔවුන්ගේ නිල රාජකාරීවලින් ඉවත්කර, දේශපාලන කටයුතුවල යෙදවීම තුළින් රජයට පාඩුවක් සිදුකළේ යැයි චෝදනා කරමින් මෙම නඩුව පවරා තිබෙනවා.