Local

ඩෙංගු සහ චිකන්ගුන්යා පිළිබඳ​ව අනතුරු ඇඟවීමක්

Sunday, 20 April 2025 - 4:17 pm

මේ දිනවල පවතින වර්ෂාවත් සමග ඩෙංගු සහ චිකන්ගුන්යා රෝගය ව්‍යාප්ත වීමේ දැඩි අවදානමක් පවතින බව සෞඛ්‍ය අංශ පවසනවා.

දීර්ඝ සති අන්ත නිවාඩුව සහ පාසල් නිවාඩුව හේතුවෙන් බොහෝ පිරිස් විනෝද චාරිකා ගොස් ඇති බවත් මේ හේතුවෙන් නිවාස සහ අවට පරිසරය පිරිසිදු කර ගැනීමේ හැකියාව මග හැරී ගොස් ඇති බවයි ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ ලේකම් චමිල් මුතුකුඩ පෙන්වා දෙන්නේ.

මේ හේතුවෙන් මදුරුවන් බෝවන ස්ථාන වැඩි වී ඇති බවයි ඔහු පෙන්වා දෙන්නේ.

ඩෙංගු සහ චිකන්ගුන්යා රෝග පතුරුවනු ලබන්නේ එකම මදුරුවෙකු විසින් බවත් මෙම රෝග ව්‍යාප්ත වීම පාලනයට නිවෙස් අවට පරිසර​ය පිරිසිදු කරගන්නා ලෙසයි ඔහු අවධාරණය කරන්නේ.