Local

සිසුන් වෙනුවෙන් ලබන මාසයේ සිට සීසන්

Friday, 12 January 2024 - 9:27 pm

ලබන මාසයේ සිට සියළුම දින සඳහා නියමිත පරිදි පාසල් වාර ප්‍රවේශපත් ලබා දෙන බව ප්‍රවාහන, මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතා පවසනවා.

පාසල් සීසන් ටිකට් පත් අහෝසි කර ඇතැයි සිදුකරන ප්‍රකාශය අසත්‍ය බවයි අද (12) පාර්ලිමේන්තුවේදී ප්‍රකාශයක් සිදුකරමින් අමාත්‍යවරයා පැවසුවේ

ජනවාරි මාසයේ පාසල් නිවාඩු ලබා දී ඇති හෙයින් වාර ප්‍රවේශපත් නිකුත් නොකළ බවයි ඔහු පැවසුවේ.

කෙසේ වෙතත් උසස් පෙළ විභාගය සඳහා මුහුණ දෙන සිසුන් සඳහා සහ සාමාන්‍ය පෙළ සිසුන් සඳහා ප්‍රවේශපත් නිකුත් කළ බවද අමාත්‍යවරයා මෙහිදී සඳහන් කළා.

මීට අමතරව, සිසු සැරිය ව්‍යාපෘතිය සඳහා ද ගමනා ගමන මණ්ඩලයේ බස් රථ 790ක් පුද්ගලික බස් රථ 710ක් යොද ගෙන ඇති බව ද පාර්ලිමේන්තුවේදී අදහස් දක්වමින් අමාත්‍යවරයා වැඩිදුරටත් පැවසුවා