Local

ශ්‍රී ලංකාවේ අයවැය සුබදායි බව Fitch Ratings පවසයි

Thursday, 20 February 2025 - 9:17 pm

ශ්‍රී ලංකා රජයේ අයවැය මඟින්, දළ දේශීය නිෂ්පාදිතයේ කොටසක් ලෙස මූල්‍ය ආදායම ඉහළ නැංවීම සඳහා බලධාරීන්ගේ කැපවීම ඉස්මතු කරනු ලබනු ඇති බව Fitch Ratings ආයතනය පවසනවා.

ඒ අනුව මෙම ප්‍රවේශය සාර්ථක වුවහොත්, ස්වෛරී ණය පැතිකඩෙහි දිගුකාලීන දුර්වලතාවයක් සමනය කරනු ඇති බවයි ශ්‍රී ලංකාවේ අයවැය සම්බන්ධයෙන් නිවේදනයක් නිකුත් කරමින් එම ආයතනය සඳහන් කරන්නේ.

කෙසේ වෙතත්, මූල්‍ය දැක්ම සඳහා අවදානම් සැලකිය යුතු ලෙස පවතින අතර, මූල්‍ය ඒකාබද්ධතාවයේ වේගය මන්දගාමී කිරීමේ සැලසුම් මධ්‍ය කාලීනව ණය අඩු කිරීමේ අපේක්ෂාවන් මත බර තැබිය හැකි බවද ඔවුන් පෙන්වා දෙනවා.

ජනාධිපති අනුර කුමාර දිසානායක විසින් පසුගිය 17දා ඉදිරිපත් කරන ලද සිය රජයේ පළමු අයවැය කතාවෙහි අයවැය යෝජනා බොහොමයක්, 2024 දෙසැම්බර් මාසයේ දී Fitch Ratings විසින් කරන ලද ඇගයීමේ උපකල්පනවලට අනුකූල බව සලකන බවයි එම ආයතනය වැඩිදුරටත් සඳහන් කරන්නේ.