Local

තීරුබදු නොගෙවා වාහන දෙකක් මෙරටට ගෙන්වූ සැකකරුවන් තිදෙනෙක් අත්අඩංගුවට

Wednesday, 05 March 2025 - 6:57 pm

තීරුබදු නොගෙවා මෙරටට ආනයනය කළ, ව්‍යාජ අංක තහඩු සවිකළ වාහන 02ක් ළඟ තබා ගැනීම සම්බන්ධයෙන් සැකකරුවන් තිදෙනෙකු අත්අඩංගුවට ගෙන තිබෙනවා.

පසුගිය වසරේ ඔක්තෝබර් මස 13 වැනිදා එලෙස ආනයනය කළ ජීප් රථයක් හා මෝටර් රථයක් පැල්මඩුල්ල ප්‍රදේශයේ ගරාජයක තිබී සොයාගත් බවයි පොලීසිය ප්‍රකාශ කළේ.

අදාළ වාහන සන්තකයේ තබා ගැනීම, තීරු බදු නොගෙවා මෙරටට ගෙන්වීම හා ව්‍යාජ අංක තහඩු සවි කර භාවිත කිරීම යන වැරදි සම්බන්ධයෙන් සැකකරුවන් අත්අඩංගුවට ගෙන ඇති බවයි සඳහන් වෙන්නේ.

අත්අඩංගුවට පත්ව ඇත්තේ, 49, 59, හා 61 හැවිරිදි ඇඹිලිපිටිය හා මාමඬල ප්‍රදේශවල පදිංචිකරුවන් තිදෙනෙක් වන අතර, සැකකරුවන් පැල්මඩුල්ල මහේස්ත්‍රාත්වරයා හමුවට ඉදිරිපත් කිරීමෙන් පසු ලබන 11 වැනිදා දක්වා රක්ෂිත බන්ධනාගාරගත කර තිබෙනවා.