Local

බන්ධනාගාරගත කරන රැඳවියන් සංඛ්‍යාව ඉහළට

Wednesday, 17 January 2024 - 3:28 pm

බන්ධනාගාරගත කරන රැඳවියන් සංඛ්‍යාව ඉහළ ගොස් ඇති බව බන්ධනාගාර මාධ්‍ය ප්‍රකාශක ගාමිණී බී. දිසානායක සඳහන් කරනවා.

ඒ අනුව රැඳවියන් 30,000 ක් පමණ මේ වනවිට බන්ධනාගාරවල සිටින බවත්, විවිධ චෝදනා සම්බන්ධයෙන් මාස එකක් හෝ දෙකක් දඬුවම් ලැබූ වරදකරුවන් පල්ලන්සේන බන්ධනාගාරයට යොමු කරන බවත් මාධ්‍ය ප්‍රකාශකවරයා පවසනවා.

එසේම අනෙකුත් දඬුවම් ලබන රැඳවියන් බන්ධනාගාර වැඩ කඳවුරු හා එළිමහන් සිරකඳවුරු වෙත යොමු කරන බවයි ඔහු වැඩිදුරටත් පවසා සිටියේ.