Local

ඡන්ද දාන්න පෞද්ගලික අංශයටත් නිවාඩු දෙන්නැයි දන්වයි…

Monday, 04 November 2024 - 7:21 pm

පෞද්ගලික අංශයේ සේවකයන් සඳහා අවශ්‍ය නිවාඩු ලබාදීමට කටයුතු කරන ලෙස මැතිවරණ කොමසාරිස් ජෙනරාල් සමන් ශ්‍රී රත්නායක මහතා පැවසීය.

ඒ අනුව නොවැම්බර් 14 වැනිදා ඒ සඳහා අවශ්‍ය නිවාඩු ලබාදීමට කටයුතු කරන ලෙස දැනුම් දෙයි.

එහිදී සේවා ස්ථානයේ සිට ඡන්ද පොළට ඇති දුර කිලෝමීටර් 40ක් හෝ ඊට අඩුනම් වරුවක නිවාඩුවක් ලබාදිය යුතුය.

කිලෝමීටර් 40ත් 100ත් අතර දුරක පවතීනම් දිනක නිවාඩුවක් ද කිලෝමීටර් 100ත් 150ත් අතර දුරකනම් දින එකහමාරක නිවාඩුවක් ලබාදිය යුතු බව පැවසීය.

සේවා ස්ථානයේ සිට ඡන්ද පොළට කිලෝමීටර් 150 වැඩි දුරක් ඇත්නම් දින 02ක රාජකාරි නිවාඩුවක් ලබාදිය යුතු බව කොමසාරිස් ජෙනරාල්වරයා පැවසීය.