සජබ ප්‍රතිපත්ති ප්‍රකාශනය අද
Thursday, 29 August 2024 - 9:05 am
සමගි ජන සන්ධානයේ ජනපති අපේක්ෂක විපක්ෂ නායක සජිත් ප්‍රේමදාස මහතාගේ ප්‍රතිපත්ති ප්‍රකාශනය අද (29) මහනුවර රැජින හෝටලයේදී එළිදැක්වීමට නියමිතය.
ප්‍රතිපත්ති ප්‍රකාශනය සම්පාදනයට දායක වූ පාර්ලිමේන්තු මන්ත්‍රීවරුන් වන ආචාර්ය හර්ෂ ද සිල්වා, කබීර් හෂීම්, ඉරාන් වික්‍රමරත්න යන මහත්වරුන් ඇතුළු පිරිසක් මෙම අවස්ථාවට සහභාගි වන බව සමගි ජන බලවේගයේ මහනුවර දිස්ත්‍රික් පාර්ලිමේන්තු මන්ත්‍රී, විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා පැවසීය.
සමගි ජන සන්ධානයේ ජනපති අපේක්ෂක විපක්ෂ නායක සජිත් ප්‍රේමදාස මහතා විසින් ප්‍රතිපත්ති ප්‍රකාශනය මෙදින පස්වරුවේ මල්වතු අස්ගිරි උභය මහා විහාරීය මහානායක ස්වාමීන්ද්‍රයන් වහන්සේ දෙනමට පිළිගැන්වීමට ද සැලසුම් කර තිබෙන බව කිරිඇල්ල මහතා කීය.
