Local

ජනතා ගැටළුවලට විසඳුම් දෙන තැනක් ලෙස රාජ්‍ය සේවය පත්කර ගත යුතුයි - අගමැති

Saturday, 04 January 2025 - 5:35 pm

රාජ්‍ය සේවකයින් ලෙස ලබාදුන් ප්‍රතිඥාව අනුව කටයුතු කරමින් 2025 වර්ෂය ජනතා බලාපොරොත්තු ඉටුකරන වසරක් බවට පත්ක​ළ යුතු බව අග්‍රාමාත්‍ය ආචාර්ය හරිනි අමරසූරිය පවසනවා.

අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍යංශයේ සහ ඒ යටතේ ක්‍රියාත්මක වෘත්තීය අධ්‍යාපන අංශයේ සහ විශ්ව විද්‍යාල ප්‍රතිපාදන කොමිෂන් සභාවේ නව වසරේ වැඩ ආරම්භ කිරීමේ අවස්ථාවන්ට එක්වෙමින් අග්‍රාමාත්‍යවරිය මේ බව සඳහන් කර තිබෙනවා.

මෙහිදී වැඩිදුරටත් අදහස් දැක්වූ අග්‍රාමාත්‍ය ආචාර්ය හරිනි අමරසූරිය සඳහන් කළේ, රටක් ගොඩනැගීම රජයකට, පක්ෂයකට හෝ දේශපාලන අධිකාරියට පමණක් කළ හැකි දෙයක් නොවන බවත්, ඒ වෙනුවෙන් පුරවැසියන් මෙන්ම රටේ සියළු අංශ එක්විය යුතු බවයි.