Local

උස්වැටකෙයියාවේ වෙඩි තැබීමේ සිද්ධියට තවත් සැකකරුවෙක් අත්අඩංගුවට

Thursday, 27 February 2025 - 8:21 pm

පමුණුගම පොලිස් වසමේ උස්වැටකෙයියාව මුහුදු වෙරළ තීරයේ පුද්ගලයෙකුට වෙඩි තබා ඝාතනය කිරීමේ සිද්ධියට සම්බන්ධ තවත් සැකකරුවෙක් අත්අඩංගුවට ගෙන තිබෙනවා.

ඒ අනුව පමුණුගම පොලිස් ස්ථානයේ නිලධාරින් කණ්ඩායමක් විසින් ඊයේ (26) රාත්‍රී කාලයේදී මෙම මනුෂ්‍ය ඝාතනයට කුමන්ත්‍රණය කිරීම සම්බන්ධයෙන් රාගම, වල්පොල ප්‍රදේශයේදී එක් සැකකරුවෙකු අත්අඩංගුවට ගෙන ඇති බවයි සඳහන් වෙන්නේ.

අයිස් මත්ද්‍රව්‍ය ග්‍රෑම් 12ක් හා විදේශ රටක නිෂ්පාදිත ජීව අත් බෝම්බයක් සමඟ අත්අඩංගුවට ගත් වයස අවුරුදු 29ක් වන මෙම සැකකරු රාගම, වල්පොල ප්‍රදේශයේ පදිංචිකරුවෙක් බවයි සඳහන් වෙන්නේ.

පමුණුගම පොලිසිය වැඩිදුර විමර්ශන සිදුකරනු ලබන අතර ඊයේ (26) දිනයේ දීද මෙම වෙඩි තැබීමේ සිදුවීම සම්බන්ධයෙන් පුද්ගලයින් දෙදෙනෙකු අත්අඩංගුවට ගෙන තිබුණා.