Local

මහින්දගේ ආරක්‍ෂක රථ ආපසු බාර දෙන්නැයි ජනාධිපති කාර්යාලයෙන් දන්වයි…

Saturday, 19 October 2024 - 10:19 am

හිටපු ජනාධිපති මහින්ද රාජපක්ෂ මහතාගේ ආරක්ෂාවට යොදවා සිටින ආරක්ෂකයන් ගමන් ගන්නා ආරක්ෂක රථ තුනක් ආපසු බාර දෙන ලෙස ජනාධිපති ලේකම් කාර්යාලය විසින් දැනුම දී ඇත.

ඒ අනුව මහින්ද රාජපක්ෂ මහතා දැනුම් දී ඇත්තේ තමන් මේ දිනවල තංගල්‍ල නිවසේ රැඳී සිටින බවත් කොළඹ පැමිණි පසු එම වාහන භාරදීමට කටයුතු කරන බවත්ය.

කෙසේ වෙතත් ශ්‍රී ලංකා පොදුජන පෙරමුණේ මහලේකම් සාගර කාරියවසම් මහතා සඳහන් කරන්නේ මෙම කටයුතු සිදු කරන්නේ බුද්ධි අංශ අනුමැතිය ඇතුවදැයි ගැටලුවක් ඇති බවය.

යුද්ධය අවසන් කළ නායකයා ලෙස ඇති ජීවිත තර්ජන අවසන් වන සීමාවක් කිසිවෙකුට නිශ්චය කර නොහැකි බවද පැවසූ ඔහු මහින්ද රාජපක්ෂ මහතාට ඇති තර්ජන පිළිබඳ තක්සේරු කිරීමකින් මේ තොරව මේ ආකාරයට කටයුතු කිරීම වැරදි බවත්ය.