Local

42% ක් ගත්ත සජිත්ට තව 8% ක් අරන් ජනාධිපති වෙන්න බැරිද? - අජිත් පී. පෙරේරා

Friday, 15 March 2024 - 7:08 am

පාස්කු ප්‍රහාරය වැනි සෑම දෙයක්ම තිබූ මොහොතක 42% ක ඡන්ද ප්‍රතිශතයක් ලබාගත් විපක්ෂ නායක සජිත් ප්‍රේමදාසට තවත් 8% ක් ලබාගෙන ජනාධිපති වීමේ හැකියාව පවතින බව හිටපු පාර්ලිමේන්තු මන්ත්‍රී අජිත් පී. පෙරේරා පවසනවා.

සිදුකළ සමීක්ෂණ අනුව ජාතික ජන බලවේගයේ 3% ක ඡන්ද ප්‍රතිශතය 15% ක් දක්වා වැඩිවී ඇති බවත්, ඒ සඳහා සුබපතන බවත්, එය විශාල ජයග්‍රහණයක් බවයි මාධ්‍ය වෙත අදහස් දක්වමින් හිටපු මන්ත්‍රීවරයා සඳහන් කළේ.

ශ්‍රී ලංකා පොදුජන පෙරමුණ තමන්ගේ අපේක්ෂකයෙක් තමන්ගේම පක්ෂයෙන් ඉදිරිපත් කිරීම රටේ ප්‍රජාතන්ත්‍රවාදයට යහපත් බවයි හිටපු පාර්ලිමේන්තු මන්ත්‍රී අජිත් පී. පෙරේරා වැඩිදුරටත් සඳහන් කළේ.