ජූනි මාසයේ සිට අලුත් පවුල් ලක්ෂ හතරකට අස්වැසුම ලබාදීමට කටයුතු කරනවා - ජනපති
Thursday, 17 April 2025 - 7:09 pm
එළඹෙන ජූනි මාසයේ සිට තවත් පවුල් ලක්ෂ 04කට අස්වැසුම ප්‍රතිලාභ ලබාදීමට රජය තීරණය කර ඇති බව ජනාධිපති අනුර කුමාර දිසානායක පවසනවා.
රජය ජනතාවගේ ගැටලු විසඳීමට කටයුතු කරන බවත්, අවුරුදු 5-6කට පසු ලොකුම ඩොලර් සංචිතය දැන් තිබෙන බවත්, විදුලිබිල අඩු කර, රාජ්‍ය සේවක වැටුප් වැඩි කිරීමට ද කටයුතු කර ඇති බවයි මන්නාරම ප්‍රදේශයේ අද (17) පැවති මහජන රැළියක් අමතමින් ජනාධිපතිවරයා සඳහන් කළේ.
එසේම වසර 05 කට පමණ පසු 30,000ක් දෙනා රාජ්‍ය සේවයට බඳවා ගැනීමට කටයුතු කරන බවද, ඒ සඳහා මන්ත්‍රීවරු, ඇමතිවරු පසුපස යාමට අවශ්‍යතාවක් නොමැති බවද, පුවත්පත් මඟින් ප්‍රසිද්ධ කළ පසු විභාගය මුහුණ දී, එයින් වැඩිම ලකුණු ගන්නා පිරිස් වෙත රැකියාව ලැබෙන බවද ජනාධිපතිවරයා සඳහන් කළා.
රාජ්‍ය සේවයේ සහ පොලීසියේ දෙමළ භාෂාවෙන් කතා කරන අයගේ හිඟයක් තිබෙන බවත්, මේ හේතුවෙන් අලුතින් පොලීසියට 2,000ක් බඳවා ගැනීමට කටයුතු කරන අතර, දෙමළ භාෂාව දන්නා ඔබේ දරුවා පොලිස් සේවයට එක් කරන ලෙසට ඉල්ලා සිටින බවයි ජනාධිපති අනුර කුමාර දිසානායක වැඩිදුරටත් ප්‍රකාශ කර සිටියේ.
.webp)
