Local

පළාත් පාලන ඡන්දයේ නිහඬ කාලසීමාව ඇරඹෙයි

Sunday, 04 May 2025 - 3:31 pm

පළාත් පාලන ඡන්ද විමසීමට අදාළ නිහඬ කාලසීමාව මේ වනවිට ක්‍රියාත්මක වනවා.

මෙම කාල සීමාවේ අපේක්ෂකයින් ප්‍රවර්ධනය සහ ප්‍රචාරණ කටයුතු සිදුකිරීම තහනම් වන බවයි මැතිවරණ කොමිසමේ සභාපති ආර්. එම්. ඒ. එල්. රත්නායක සඳහන් කළේ.

ඡන්ද පෙට්ටි මධ්‍යස්ථාන වෙත ප්‍රවාහනය කිරීම හෙට(05) උදෑසන ආරම්භ වන අතර ඒ සඳහා අවශ්‍ය සියලු කටයුතු මේ වන විට සූදානම් කර ඇති බවයි මැතිවරණ කොමිසමේ සභාපතිවරයා සඳහන් කළේ.

දිවයින පුරා මධ්‍යස්ථාන 13,759කදී මෙවර ඡන්ද විමසීම පැවැත්වෙනවා.