Local

රජයේ වාහන හොරුන් ගැන ජනතාවගෙන් ඔත්තු ඉල්ලයි..

Saturday, 12 October 2024 - 11:33 am

රජය විසින් විවිධ කාර්යන් සඳහා නිකුත් කරන ලද වාහන යම් ස්ථානයක වංචා සහගත ලෙස හෝ නීති විරෝධීව සඟවා තිබෙන බවට හෝ යම්කිසි ආකාරයකට කොටස් කර සඟවා තබා තිබෙන බවට හෝ එසේම යම් යම් ස්ථාන වල නවතා තබා අබලන් වීමටද ඉඩහැර තිබෙන බවට හෝ යම් තොරතුරක් දන්නා අයෙකු සිටී නම් එම තොරතුරු ශ්‍රී ලංකා පොලිසියේ 1997 විශේෂ දුරකථන අංකයට ලබාදෙන ලෙසට පොලිසිය මහජනතාවගෙන් ඉල්ලා සිටියි.

මෙය දවසේ පැය 24 පුරාම ක්‍රියාත්මක දුරකථන අංකයකි.

තොරතුරු ලබා දෙන්නන්ගේ අනන්‍යතාවය සම්පූර්ණයෙන්ම ආරක්ෂා කරන අතර තොරතුරු සපයන්නන්ගේ අනන්‍යතාවය හෙළි කිරීමද අත්‍යවශ්‍ය නොවේ.

නමුත් සත්‍ය තොරතුරු පමණක් ලබා දිය යුතු අතර අසත්‍ය තොරතුරු ලබා දෙන්නන්ට එරෙහිව නීත්‍යනුකූලව කටයුතු කරනු ලැබේ.