Local

මේ වසරේ පොල් අස්වැන්නේ වැඩිවීමක් අපේක්ෂා කරනවා - ලුනුවිල පොල් පර්යේෂණ ආයතනය

Tuesday, 20 May 2025 - 12:25 pm

පසුගිය වසරේ මැයි සහ ජුනි මාසවලට සාපේක්ෂව, මෙම වසරේ මැයි ජුනි මාසවල පොල් අස්වැන්නේ වැඩිවීමක් අපේක්ෂා කරන බව ලුනුවිල පොල් පර්යේෂණ ආයතනය පවසනවා.

ඒ අනුව ගිය වසරේ පොල් ගෙඩි මිලියන 477ක අස්වැන්නක් ලැබී ඇති බවත්, එසේම මෙම වසරේ පොල්ගෙඩි මිලියන 555ක අස්වැන්නක් අපේක්ෂා කරන බවයි සභාපතිවරයා සඳහන් කළේ.

පොල් ත්‍රිකෝණය ආශ්‍රිත ප්‍රදේශවල පොල් ගෙඩියක මිල රුපියල් 163ක පමණ මිලකට ස්ථාවර වී ඇති බවයි සභාපතිවරයා වැඩිදුරටත් සඳහන් කර සිටියේ.