Local

වී සඳහා සහතික මිල සංශෝධනය සඳහා කමිටුවක් පත් කිරීමට පියවර

Wednesday, 22 January 2025 - 8:42 pm

වී වල සහතික මිල සංශෝධනය සඳහා කමිටුවක් පත් කර ඇති බව වී අලෙවි මණ්ඩලය පවසනවා.

ඒ අනුව එම කමිටුව හෙක්ටර් කොබ්බෑකඩුව ගොවි කටයුතු පුහුණු කිරීමේ හා පර්යේෂණායතනය, පශ්චාත් අස්වනු තාක්ෂණ ආයතනය වැනි ආයතන කිහිපයක නියෝජිතයින්ගෙන් සමන්විත බවයි එහි සභාපති මංජුල පින්නලන්ද සඳහන් කළේ.

වී වගාව සඳහා යොදාගන්නා යෙදවුම් මිල ගණන් පිළිබඳ සමාලෝචනයක් මෙම කමිටුව හරහා සිදුකරන අතර, ඉන් අනතුරුව මෙවර වී මිලදී ගන්නා සහතික මිල තීරණය කරන බවයි වී අ‍ලෙවි මණ්ඩලය ප්‍රකාශ කළේ.