Local

ඉල්ලුම සපුරාලීමට අදාළව පොල් නිෂ්පාදනය නොවීම පොල් හිඟයට ප්‍රධාන ‍හේතුවයි - මහාචාර්ය අරුණ කුමාර

Saturday, 25 January 2025 - 5:37 pm

පසුගිය වසර 20 තුළදී, ජනගහණය ඉහළ යාමට සාපේක්ෂව පොල් නිෂ්පාදනය පහත වැටීම රට තුළ පවතින ඉහළ පොල් මිලට ප්‍රධාන හේතුව බව රුහුණු විශ්ව විද්‍යාලයේ භෝග විද්‍යා පිළිබඳ ජ්‍යෙෂ්ඨ මහාචාර්ය අරුණ කුමාර පවසනවා.

2000 වසර වන විට පොල් නිෂ්පාදනය පොල් ගෙඩි මිලියන 3000ක අගයක පැවති බවත්, ඒ වන විට මෙරට ජනගහනය මිලියන 18ක් බවත්, නමුත් 2024 වසර වන විට මෙරට ජනගහනය මිලියන 23 දක්වා වැඩි වී ඇතත් පොල් නිෂ්පාදනයේ වර්ධනයක් සිදුව නොමැති බවයි මහාචාර්යවරයා පෙන්වා දෙන්නේ.

ඒ අනුව, ඉල්ලුම සපුරාලීමට අදාළව පොල් නිෂ්පාදනය නොවීම පොල් හිඟයට ප්‍රධාන වශයෙන් බලපා ඇති බවයි මහාචාර්යවරයා පැවසුවේ.

පොල් හිඟයට දීර්ඝකාලීන විසඳුමක් ලෙස පොල් පැළ මිලියන 03ක් මෙම වසර තුළ සිටුවීමට පොල් වගාකිරීමේ මණ්ඩලය තීරණය කර තිබෙන බව වැඩිදුරටත් සඳහන් වනවා.