Local

කළුගංතොට සිංහයා අවසන් ගමන් යයි…

Sunday, 29 September 2024 - 9:30 am

සමගි ජන බලවේගයේ කළුතර දිස්ත්‍රික් හිටපු පාර්ලිමේන්තු මන්ත්‍රීවරයෙකු සහ අමාත්‍ය කුමාර වෙල්ගම මහතා අභාවප්‍රාප්ත විය.

කොළඹ පෞද්ගලික රෝහලක ප්‍රතිකාර ලබමින් සිටියදී අභාවප්‍රාප්ත වන විට ඔහු 74 වන වියේ පසුවිය.

2020 වසරේ සිට ඔහු නව ලංකා නිදහස් පක්ෂයේ නායකයා වූ අතර සමගි ජන බලවේගය සමඟ එක්ව මැතිවරණයට ඉදිරිපත් විය.

වෙල්ගම මහතා 1984 සිට 2000 දක්වා අගලවත්ත ආසනයේ ශ්‍රී ලංකා නිදහස් පක්ෂයේ ප්‍රධාන සංවිධායකවරයා විය.

2007 සිට 2010 දක්වා කර්මාන්ත සංවර්ධන අමාත්‍යවරයා වූ ඔහු 2010 සිට 2015 මුල් භාගය දක්වා ශ්‍රීලනිපය ප්‍රමුඛ රජයන්හි ප්‍රවාහන අමාත්‍යවරයා ද විය.