Local

වෙඩි වැදීමෙන් මියගිය SI උපුල් වෙනුවෙන් මූල්‍ය පරිත්‍යාගයක්

Wednesday, 03 January 2024 - 3:02 pm

මෙහෙයුමක් අතරතුර වෙඩි වැදී මියගිය උප පොලිස් පරීක්ෂක උපුල් චමින්ද කුමාර වෙනුවෙන් මූල්‍ය පරිත්‍යාගයක් සිදුකර තිබෙනවා.

ඒ අනුව ජනාධිපතිවරයා විසින් රුපියල් මිලියන 2.5 ක මුදලක් ලබාදී ඇති අතර එම මුදල මහජන ආරක්ෂක අමාත්‍ය ටිරාන් අලස් විසින් උපුල් චමින්ද මහතාගේ පවුලේ සාමාජිකයින් වෙත ලබාදී ඇති බවයි සඳහන් වන්නේ.

එසේම පොලිස් දෙපාර්තමේන්තුව වෙනුවෙන් උපුල් චමින්ද කළ සේවය අගය කරමින් ද රුපියල් මිලියන 1.75 ක මුදලක් ලබාදී ඇති අතර එම මුදල වැඩබලන පොලිස්පති දේශබන්දු තෙන්නකෝන් විසින් ඔහුගේ පවුලේ අය වෙත ලබාදී තිබෙනවා.

මාතර වැලිගම ප්‍රදේශයේ සිදුකළ මෙහෙයුමක් අතරතුර වෙඩිවැදී මියගිය කොළඹ අපරාධ කොට්ඨාසයේ පොලිස් සැරයන්වරයන්වරයාව උප පොලිස් පරීක්ෂක තනතුරට උසස් කළ බවයි පොලිස් දෙපාර්තමේන්තුව වැඩිදුරටත් සඳහන් කළේ.