භාණ්ඩාගාරයේ තිබූ මුදල් හොරකං කරලා..
Friday, 25 October 2024 - 7:43 pm
නුගත් තක්කඩින්, මැරයින් සහ ඩීල් කාරයින්ට පාර්ලිමේන්තුව නියෝජනය කිරිමට ඉඩ ලබා නොදෙන බව ජාතික ජන බලවේගයේ නුවරඑලිය දිස්ත්‍රික් කණ්ඩායම් නායක සහ අපෙක්ෂක මංජුල සුරවිරආරච්චි මහතා පැවසිය.
මංජුල සුරවිරආරච්චි මහතා ඒ බැව් කියා සිටියේ බගවන්තලාව සහ නොර්වුඩ් යන ප්‍රදේශවල පැවති මැතිවරණ රැස්විම්වලට සහභාගි වෙමිනි.
මෙහිදි වැඩිදුරටත් අදහස් දැක් වු මංජුල සුරවිරආරච්චි මහතා කියා සිටියේ මේ රටේ ජනතාව භාණ්ඩාගාරය වෙත ලබාදි තිබු බදු මුදල් විධායකයට මුවාවි හිටපු පාලකයින් විසින් සොරකම් කර ඇති බවයි.
මින් ඉදිරියට රටේ ජනතාව ගෙවන බදු මුදල් කිසිවෙකුට සොරාගැනිමට ජාතික ජන බලවේගයේ කිසිවෙක් ඉඩ ලබා නොදෙන බවයි.
මෙවර පාර්ලිමේන්තු මැතිවරණයෙන් ජාතික ජන බලවේගය අති විශිෂ්ඨ ජයග්‍රහණයක් ලබා ගන්නා බවද මංජුල සුරවිරආරච්චි මහතා වැඩිදුරටත් පැවසිය.
මෙම රැස්විම්වලට එම පක්ෂයේ නුවරඑලිය දිස්ත්‍රික්කයේ අපෙක්ෂකයන් වන ක්‍රිෂ්ණන් කලෙයිචෙල්වි මෙනවිය, රවින්ද්‍ර සේනාරත්න, ඩැනියෙල් ජෙනාස්ටර් යන මහතුන්ද සහභාගි විය.
