ඒකාබද්ධ හදිසි මෙහෙයුම් මැදිරියක්..
Thursday, 19 September 2024 - 9:27 am
ජනාධිපතිවරණය පැවැත්වෙන කාලසීමාවේදී ආපදා වලින් සිදුවිය හැකි බලපෑම් අවම කිරීම සඳහා අද (19) සිට විශේෂ වැඩපිළිවෙළක් ක්‍රියාත්මක කර ඇතිබව ආපදා කළමනාකරණ මධ්‍යස්ථානයේ අධ්‍යක්ෂ ජෙනරාල් මේජර් ජෙනරාල් උදය හේරත් මහතා පැවසීය.
මැතිවරණ කොමිෂන් සභාව සමඟ එක්ව එම වැඩපිළිවෙළ සකස් කර තිබේ.
මැතිවරණ කොමිෂන් සභාව ,ආපදා කළමනාකරණ මධ්‍යස්ථානය ,ත්‍රිවිධ හමුදාව ,පොලීසිය ඇතුළු අනෙකුත් ආයතන සම්බන්ධීකරණයෙන් ආපදා කළමනාකරණ මධ්‍යස්ථානයේ ස්ථාපිත කර ඇති විශේෂ මැතිවරණ ඒකාබද්ධ ආපදා මෙහෙයුම් ඒකකය හරහා එම විශේෂ වැඩපිළිවෙළ ක්‍රියාත්මක වෙයි.
යම් ආපදා තත්වයක් හේතුවෙන් මැතිවරණ රාජකාරි සඳහා හෝ ඡන්දය ප්‍රකාශ කිරීමට බාධාවක් වන්නේනම් ආපදා කළමනාකරණ මධ්‍යස්ථානයේ ක්ශනික දුරකථන අංක 117 ඇමැතිය හැකිය.
එසේ නොවේනම් විශේෂ ඒකාබද්ධ හදිසි මෙහෙයුම් මැදිරියේ 0113668032,0113668087 හෝ 0113668025 අංක ඇමැතිය හැකිය.
මෙම විශේෂ ඒකාබද්ධ හදිසි මෙහෙයුම් මැදිරිය ලබන ඉරිදා (22) දක්වා ක්‍රියාත්මක වන බව අධ්‍යක්ෂ ජෙනරාල්වරයා වැඩිදුරටත් පැවසීය.
