Local

බන්ධනාගාරගත රැඳවියන්ට වීඩියෝ තාක්ෂණය ඔස්සේ සාක්ෂි ලබාදීමට හැකි ලෙස අපරාධ නඩු විධා​න සංග්‍රහයට සංශෝධනයක් ගෙන එනවා - අධිකරණ ඇමති

Thursday, 20 February 2025 - 1:11 pm

බන්ධනාගාරගත රැඳවියන්ට වීඩියෝ තාක්ෂණය ඔස්සේ සාක්ෂි ලබාදීමට හැකි පරිදි අපරාධ නඩු විධා​න සංග්‍රහයට සංශෝධනයක් ගෙන එන බව අධිකරණ අමාත්‍ය නීතීඥ හර්ෂණ නානායක්කාර පවසනවා.

ඒ අනුව එමඟින් බන්ධනාගාරගත රැඳවියන් ප්‍රවාහනය කිරීමේ අවශ්‍යතාවක් මතු නොවන බවත්, ඔවුන්ට බන්ධනාගාරයේ සිටියදීම වීඩියෝ තාක්ෂණය ඔස්සේ සාක්ෂි ලබාදිය හැකි බවයි අද (20) පාර්ලිමේන්තුවේදී අදහස් දක්වමින් අමාත්‍යවරයා සඳහන් කළේ.

අදාළ සංශෝධනය මේ වන විට කැබිනට් මණ්ඩලයට ඉදිරිපත් කර ඇති බවද, මාර්තු මාසයේ හෝ අප්‍රේල් මාසයේ පාර්ලිමේන්තුවට ඉදිරිපත් කර සම්මත කර ගැනීමට කටයුතු කරන බවද අමාත්‍යවරයා ප්‍රකාශ කළා.

මේ හරහා විදෙස් රටවල සිටින පිරිස් වෙතින්ද සාක්ෂි ලබා ගැනීමට හැකි බවයි අධිකරණ අමාත්‍ය නීතීඥ හර්ෂණ නානායක්කාර වැඩිදුරටත් ප්‍රකාශ කළේ.