Local

ඇමති නිල නිවාස සංචාරකයන්ට.. ඇමතිලාට නිල නිවාස නෑ..

Thursday, 14 November 2024 - 1:56 pm

කැබිනට් අමාත්‍යවරුන් වෙනුවෙන් ඉදිකර ඇති නිල නිවාස සංචාරක නිවාස ලෙස යොදා ගැනීමට ඉදිරිපත්ව ඇති යෝජනාවක් සම්බන්ධයෙන් රජයේ අවධානය යොමුව තිබේ.

ඒ අනුව එම නිවාසයන්ට සිදු කරන්නේ කුමක්දැයි රාජ්‍ය පරිපාලන අමාත්‍යාංශය විසින් කැබිනට් මණ්ඩලයේ මතය විමසීමට නියමිතව ඇත.

කැබිනට් අමාත්‍යවරුන් වෙනුවෙන් වෙන් කර ඇති නිල නිවාස විසි අටක් මේ වන විට රාජ්‍ය පරිපාලන අමාත්‍යාංශ ලේකම් භාරයට පත් කර ඇත.

මෙය අතර ජනාධිපති අනුර දිසානායක මහතා පසුගියදා කියා සිටියේ ඉදිරි කැබිනට් ඉදිරි කැබිනට් මණ්ඩලයේ අමාත්වරුන්ට කොළඹින් නිල නිවාස කිසිවක් හිමි නොවන බවයි.