ස්විට්සර්ලන්තයේ ආර්ථික සමුළුවට ජනපති අද පිටත් වෙයි
Saturday, 13 January 2024 - 5:28 am
ස්විට්සර්ලන්තයේ ඩාවෝස් නුවරදී සඳුදා (15) ආරම්භ වන 54 වැනි ලෝක ආර්ථික සමුළුවට සහභාගි වීම සඳහා ජනාධිපති රනිල් වික්‍රමසිංහ මහතා අද (13) පිටත්ව යයි.
ලෝක ආර්ථික සමුළුව අතරවාරයේ ජනාධිපතිවරයා සමුළුවට සහභාගි වන ලෝක නායකයන් සහ ජාත්‍යන්තර ආයෝජකයන්ද හමු වීමට සැලසුම් කර තිබේ. ශ්‍රී ලංකාවේ ආයෝජන අවස්ථා සම්බන්ධයෙන් ඒ ආයෝජකයන් සමඟ ජනාධිපතිවරයා සාකච්ඡා කිරීමට නියමිතය.
රට බංකොලොත් බව ප්‍රකාශ කිරීම නිසා පසුගිය වසරේ ලෝක ආර්ථික සමුළුවට සහභාගි වීමට ශ්‍රී ලංකාවට නොහැකි විය. ලෝක ආර්ථික සමුළුවට සහභාගි වීමෙන් අනතුරුව ජනාධිපතිවරයා උගන්ඩාවේ කම්පාලා නුවර පැවැත්වෙන 19 වැනි නොබැඳි ජාතීන්ගේ සමුළුවට සහභාගි වීමට ලබන 18 වැනිදා ඩාවෝස් නුවර සිට උගන්ඩාව බලා පිටත් වී යනු ඇත. ජනාධිපතිවරයා නැවත ශ්‍රී ලංකාවට පැමිණෙන්නේ ලබන 24 වැනිදාය.
.webp)
