හෙටට (14) ට යෙදී ඇති ආදරවන්තයින්ගේ දිනය වෙනුවෙන් පොලීසියෙන් විශේෂ පණිවිඩයක් නිකුත් කර තිබෙනවා.
වර්තමානය වන විට ආදරවන්තයින්ගේ දිනය හුදෙක් ආදරය ස්මරණය කරන දිනයක් පමණක් නොව බොහෝ සමාජ විරෝධී ක්‍රියාවන් සිදුවන දිනයක් ලෙස වාර්තා වී ඇති බවයි පොලීසිය සඳහන් කරන්නේ.
බොහෝ අපරාධකරුවන් මෙන්ම නීති විරෝධී මත්ද්‍රව්‍ය ජාවාරම්කරුවන් මෙම දිනය උගුලක් කර ගනිමින් තරුණ ජීවිත බිලි ගැනීමට සූදානමින් සිටින බවත් මෙවැනි නීතිවිරෝධී ක්‍රියා වලට තම දරුවන්, විශේෂයෙන් බාලවයස්කාර දරුවන් යොමු වීම වැළැක්වීම වෙනුවෙන් දෙමව්පියන්ගේ නිරන්තර අවධානය ඉතා වැදගත් බවයි ශ්‍රී ලංකා පොලීසිය සඳහන් කරන්නේ.
ආදරය ලෙස සමාජගත කළ යුතුවන්නේ කරුණාව, ගෞරවය, ඉවසීම, පරිත්‍යාගශීලී බව වැනි මානව හිතවාදී ගුණාංගයන් මිස රැල්ලට යනු ලබන, තමන්ටත් සමාජයටත් අහිතකර වන ක්‍රියාවන් නොවන බවයි ශ්‍රී ලංකා පොලීසිය වැඩිදුරටත් සිය පණිවිඩය මඟින් ප්‍රකාශ කර තිබෙන්නේ.
අදාළ සම්පූර්ණ පණිවිඩය සඳහා මෙතැනින් පිවිසෙන්න.
.webp)
