වැටුප ගන්නේ නැත්නම්, කැන්ටිමෙන් කන්නේ, නිවාසයේ කුලිය ගෙවන්නේ කොහොමද කියලා රටට හෙළි කරන්න - ප්‍රසාද් සිරිවර්ධන
Friday, 31 January 2025 - 7:14 pm
පාර්ලිමේන්තු වැටුප නොගන්නා බවට ප්‍රකාශ කළ ආණ්ඩුව ගෙවුනු මාසයේ වැටුපට සිදු කළේ කුමක්ද යන්න රටට හෙළි කළ යුතු බව සමගි ජන බලවේගයේ පාර්ලිමේන්තු මන්ත්‍රී ප්‍රසාද් සිරිවර්ධන පවසනවා.
පාර්ලිමේන්තු මන්ත්‍රීවරයෙකුට වැටුප් ලෙස රුපියල් 54,000 ක් ලැබෙන අතර, ඉන්ධන දීමනාව ලෙස රුපියල් 100,000 ට ආසන්න මුදලක්, කාර්යාල දීමනාව රුපියල් 100,000 ක්, දුරකථන දීමනාව 50,000 ක් සහ සංග්‍රහ දීමනාව ලෙස රුපියල් 1000 ක් ආදී ලෙස ලැබෙන බවයි අද (31) පැවති මාධ්‍ය හමුවකට එක්වෙමින් මන්ත්‍රීවරයා සඳහන් කළේ.
ඒ අනුව වැටුප් ලබා ගැනීමකින් තොරව පාර්ලිමේන්තු ආපන ශාලාවෙන් ආහාර ලබාගන්නේ කෙසේද සහ මන්ත්‍රී නිවාසයේ කුලිය ගෙවන්නේ කෙසේදැයි ආණ්ඩුව විසින් රටට ප්‍රකාශ කළ යුතු බවයි සමගි ජන බලවේගයේ පාර්ලිමේන්තු මන්ත්‍රී ප්‍රසාද් සිරිවර්ධන වැඩිදුරටත් ප්‍රකාශ කරන්නේ.
.webp)
