පළාත් පාලන සභික ලැයිස්තුව ඇතුළත් ගැසට් පත්‍රය අද නිකුත් කෙරේ
Saturday, 31 May 2025 - 7:44 pm
මෙවර පළාත් පාලන මැතිවරණයෙන් තේරී පත්වූ සභිකයින්ගේ නම් සඳහන් ගැසට් පත්‍රය මැතිවරණ කොමිෂන් සභාව විසින් අද (31) ප්‍රකාශයට පත් කිරීමට නියමිතව ති‍බෙනවා.
එම නම් මැතිවරණ කොමිසම වෙත භාරදීමට ලබාදී තිබු කාලය ඊයේ (30) මධ්‍යම රාත්‍රියෙන් අවසන් වුණා.
පළාත් පාලන ආයතනවල ධුර කාලය 2025 ජුනි 02 වැනිදා ආරම්භ විය යුතු බවට ගැසට් නිවේදනයක් මගින් නියම කර ඇති අතර, එම නියමය අනුව පළාත් පාලන ආයතනවල ධුර කාලය ආරම්භ කිරීමට පෙර, තේරී පත්වූ සහ තෝරා එවා ඇති සභිකයින්ගේ නම් ගැසට් මගින් පළ කළ යුතුව ඇති බවයි සඳහන් වන්නේ.
සභිකයින්ගේ නම් ගැසට් කිරීමෙන් පසු, පළාත් පාලන ආයතන ඡන්ද විමසීමේදී අදාළ පළාත් පාලන ආයතනයේ 50% වැඩි ඡන්ද ප්‍රතිතශයක් ලබාගත් පක්ෂය විසින් නම් කර එවනු ලැබූ පළාත් පාලන ආයතනයේ සභාපති සහ උප සභාපතිවරයාගේ නම් ද මැතිවරණ කොමිෂන් සභාව විසින් ගැසට් කිරීමට නියමිතයි.
.webp)
