Local

හැමෝම බලන් ඉන්නේ ආණ්ඩුව වැටෙනකම් - ඩඩ්ලි සිරිසේන

Thursday, 27 February 2025 - 8:30 pm

රට වැටී ඇති තත්ත්වයෙන් ගොඩ ගැනීම රජයට තනිව සිදුකළ නොහැකි බව ව්‍යාපාරික ඩඩ්ලි සිරිසේන පවසනවා.

සියලු දෙනා බලා සිටින්නේ වත්මන් ආණ්ඩුව වැටෙන තුරු බවත්, නමුත්, වැටෙන්නේ පාලකයින් කවුරුත් නොව රටේ සමස්ත ජනතාව බවයි මාධ්‍ය වෙත අදහස් දක්වමින් ඔහු සඳහන් කළේ.

වත්මන් ආණ්ඩුවට සියලුම දෙනා සහයෝගය ලබාදිය යුතු බවද ව්‍යාපාරික ඩඩ්ලි සිරිසේන සඳහන් කර සිටියා.

අත පය ඇති, ඇස කන පෙනෙන සියලු දෙනා වැඩ කර උපයාගත යුතු බවත්, සෑම දේශපාලඥයාම ටික කාලයක් යන විට නිකම් කන්න දීමේ ප්‍රතිපත්තිය අනුගමනය කිරීම රට වැටීමට හේතුවක් බවත් ව්‍යාපාරික ඩඩ්ලි සිරිසේන වැඩිදුරටත් ප්‍රකාශ කළා.