නාමල්ගේ නඩුව මහාධිකරණයට යොමුකළ නිසා කොටුව මහේස්ත්‍රාත් අධිකරණයේ කැඳවීමේ අවශ්‍යතාවයක් නොමැති බව මහේස්ත්‍රාත්වරිය දැනුම්දෙයි
Wednesday, 04 June 2025 - 10:52 pm
හිටපු ක්‍රීඩා අමාත්‍ය පාර්ලිමේන්තු මන්ත්‍රී නාමල් රාජපක්ෂට පවරා ඇති නඩුවක් කොටුව මහේස්ත්‍රාත් අධිකරණය හමුවේ යළි කැඳවීමේ අවශ්‍යතාවයක් නොමැති බව කොටුව මහේස්ත්‍රාත් නිලුපුලි ලංකාපුර අද (04) නියෝග කර තිබෙනවා.
කොළඹ කොටුව ක්‍රිෂ් ට්‍රාන්ස්වර්ඩ් චතුරස්‍රයේ අක්කර 4.3ක් බදු දිමේදී සිදුවී ඇති බව කියන රුපියල් මිලියන 70ක මූල්‍ය අක්‍රමිකතාවක් සම්බන්ධයෙන් ඔහුට එරෙහිව චෝදනා එල්ල වී ඇති බවයි සඳහන් වෙන්නේ.
මෙම සිද්ධිය සම්බන්ධයෙන් මහාධිකරණය හමුවේ චෝදනා ගොනුකර ඇති බවත්, අදාළ නඩු ගොනුව මහාධිකරණය වෙත යොමුකර ඇති බවයි මහේස්ත්‍රාත්වරිය දන්වා තිබෙන්නේ.
මෙම සිද්ධිය සම්බන්ධයෙන් අල්ලස් කොමිසම විසින් අධිකරණය හමුවේ පෙනී සිටිමින් කරුණු දැක්වීමට අවසර ඉල්ලා සිටි අතර, නමුත් එවැනි කරුණු දැක්වීමක් අවශ්‍ය නොවන බවයි මහේස්ත්‍රාත්වරිය වැඩිදුරටත් සඳහන් කර සිටියේ.
.webp)
