ක්‍රිකට් ක්‍රීඩාව සම්බන්ධයෙන් අද පාර්ලිමේන්තුවේදී අදහස් දක්වමින් හරින් ප්‍රනාන්දු මහතා මේ බව පැවසීය.

ICC විසින් ශ්‍රී ලංකා ක්‍රිකට් තහනම ඉවත් නොකළහොත් ජනවාරි සහ පෙබරවාරි මාසවල පැවැත්වෙන අවුරුදු 19 න් පහළ පිරිමි ලෝක කුසලාන තරගාවලිය මෙරටට අහිමි වි හැකි බවත් එමගින් මෙරටට පැමිණීමට නියමිත සංචාරකයින් 800ක් පමණ මෙරටට නොපැමිණෙනු ඇතැයි හෙතෙම පෙන්වා දුන්නේය.

මමත් ක්‍රීඩා අමාත්‍යවරයෙකු ලෙස කටයුතු කළා. අද ක්‍රිකට් එකත් පාර්ලිමේන්තුවේ දේශපාලනයට කටයුතු කරනවා. අද ක්‍රිකට් ආයතනයේ තණකොළ කපන මිනිහටවත් පඩියක් ගන්න විදියක් නැහැ.

අද මෙය ඩිප්ලොමැටික් ප්‍රශ්නයක් දක්වා දුර ගිහින්. ක්‍රිකට් අර්බුදයට එහා ගිහින් ජාත්‍යන්තර සහ දේශපාලන අර්බුදයක් දක්වා ගිහින්. මම පිළීගන්නවා.ක්‍රිකට් බෝඩ් එකේ සංයුතිය වෙනස් විය යුතුයි. අයි සී සී තහනම ඉවත් නොකළොත් එළඹෙන ජනවාරි මාසයේ තිබෙන වයස අවුරුදු 19 න් පහළ ක්‍රිකට් තරගය අවලංගු වන බවත් එමගින් මෙරටට සංචාරකයින් 800 පමණ දෙනෙක් මෙරටට නොපැමිණෙන බව හෙතෙම පැවසීය.