Local

මත්ද්‍රව්‍ය ජාවාරම්කරුවන් 10ක් දිවි ඇති තෙක් හිරේ…

Wednesday, 23 October 2024 - 7:48 pm

2024.04.01 වන දින පොලිස් මත්ද්‍රව්‍ය කාර්යංශය හා නාවික හමුදා නිලධාරීන් එකාබද්ධව ශ්‍රී ලංකා මුහුදු තීරයේදී හෙරොයින් කිලෝග්‍රෑම් 111 ග්‍රෑම් 82 ක් ජාවාරම් කිරීම, සන්තකයේ තබාගැනීම හා ඊට ආධාර අනුබල දීම සම්බන්ධයෙන් ඉරාන ජාතිකයින් 10 දෙනෙකු, පකිස්ථාන ජාතිකයින් 02 දෙනෙකු, ඉන්දීය ජාතිකයෙකු, සිංගප්පූරු ජාතිකයෙකු හා ශ්‍රී ලාංකිකයින් තිදෙනෙකු ලෙස සැකකරුවන් 17 දෙනෙකු අත්අඩංගුවට ගෙන තිබුණි.

මෙම සැකකරුවන් 17 දෙනා සම්බන්ධයෙන් නීතිපති තුමාගේ උපදෙස් මත මීගමුව ගරු මහාධිකරණයේ චෝදනා 19 යටතේ අධිචෝදනා ගොනු කර තිබූ අතර එම නඩුව 2024.10.23 වන අද දින මීගමුව ගරු මහාධිකරණයේ කැඳවූ අවස්ථාවේදී එම සැකකරුවන් අතර සිටි ඉරාන ජාතික සැකකරුවන් 10 දෙනා වරද පිලිගැනීමෙන් අනතුරුව ගරු විනිසුරුතුමා විසින් ඔවුනට ජීවිතාන්තය දක්වා සිර දඩුවම් නියම කර ඇත.

අනෙක් සැකකරුවන් සඳහා මෙම නඩුව 2024.11.04 වන දින නැවත විභාගයට ගැනීමට නියමිතව ඇත.