Local

අනුර කුමාර දිසානායකත් ජාත්‍යන්තර සම්බන්ධතා ගොඩනගාගෙන තිබීම හොඳයි - රෝහිත

Thursday, 08 February 2024 - 10:07 am

ජාතික ජන බලවේගයේ නායක අනුර කුමාර දිසානායක ජාත්‍යන්තර සම්බන්ධතා ගොඩනගාගෙන තිබීම හොඳ ප්‍රවණතාවක් බව පාර්ලිමේන්තු මන්ත්‍රී රෝහිත අබේගුණවර්ධන පවසනවා.

ඔහුගේ ඉන්දීය සංචාරය සිදුකරන විට සිහිපත් වන්නේ 88-89 කාලයේ ඉන්දීය ව්‍යාප්තවාදය සිදුවන බවට සඳහන් කරමින් කටයුතු කළ ආකාරය බවත්, එම අවස්ථාවේදී මිනිසුන් මරණයට පත් කර ඇතිකළ ඉන්දීය විරෝධය, ලෙංගතු කමක් බවට පත්වූයේ කෙසේද යන්න සම්බන්ධයෙන් ගැටලුවක් ඇති බවයි (07) මාධ්‍ය වෙත අදහස් දක්වමින් ඔහු සඳහන් කළේ.

ඔවුන් එලෙස වෙනස් වන්නේ නම් එය හොඳ ප්‍රවණතාවක් බවත්, ජනතා විමුක්ති පෙරමුණේ මෙම වෙනස්වීමේ ස්වභාවය දෙස බැලීමේදී ගැටලුවක් මතුවන බවයි මන්ත්‍රීවරයා වැඩිදුරටත් සඳහන් කළේ.