Local

වැලිගම වෙඩි හුවමාරුවකින් පොලිස් නිලධාරියෙකු මරුට

Monday, 01 January 2024 - 8:28 am

වැලිගම ප්‍රදේශයේ සිදු කළ වෙඩි තැබීමකින් පොලිස් නිලධාරියෙකු ජීවිතක්ෂයට පත්ව ඇති බව පොලීසිය පවසනවා.

ඒ අනුව වැටලීමක් අතරතුර මෙම වෙඩි තැබීම සිදු කර තිබෙන අතර සිද්ධියෙන් තවත් පුද්ගලයෙකු තුවාල ලබා ඇති බවත් මිය ගොස් ඇත්තේ, කොළඹ අපරාධ කොට්ඨාසයට අනුයක්ත පොලිස් සාජන්වරයෙකු බවයි සඳහන් වන්නේ.

වැලිගම - පැලෑන ප්‍රදේශයේ හෝටලයක් අසළ අද (31) අලුයම් කාලයේ දී මෙම වෙඩි තැබීම සිදු කර ඇති අතර වෑන් රථය පසුපස වැලිගම පොලීසිය හඹා ගොස් ඇති අතර පසුව සිදු වූ වෙඩි හුවමාරුවකින් පොලිස් නිලධාරියා මිය ගොස් ඇති බවයි වැඩිදුරටත් සඳහන් වන්නේ.